Wadanka Masar oo deeq waxbarsho siiyey dalka Somalia
-
- Posted On 06-10-2014, 01:46PM
Isniin, Octeber 6,2014 [GO]- Madaxweynaha dalka Masar Cabdull Fattah al-Sisi ayaa kulan uu la qaatey Wasiirkiisa waxbarshada Maxamud Abou El Nasr ka dalbadey in waxbarasho gaareysa 200 ardey loogu deeqo wadanka Somalia
Warkaan ayaa intaas ku daraya in dowlada dalka Masar ardeyda joogta wadankeeda ugu deeqdey 50 waxbarsho Jaamacadeed ah iyadoo loo marinayo safiirka dowlada Federaalka u fadhiya dalkaas halka 150 kalena loo gudbinayo Wasaarada Arrimaha dibbada ee dowlada Somalia.
Dowlada Federaalka oo deeqahaan kuwa lamid ah ka hesha wadamada saxiibka la ah Somalia ayaa guud ahaan waxaa la rumeysan yahay ineysan si cadaalad ugu qaybin dalka Somalia.
Dhinaca kale deeqdaan waxbarsho oo laga heley wadanka Masar ayaan la aqoon in dowlada Federaalka si cadaalad ah ugu qaybin doonto ardeyda ku nool dhamaan gobolada iyo maamulda Somaliyeed iyadoo la wada ogsoon yahay in musuqmaasuq baahsan ka jiro qaabka loo maamulo.
Dowladda Federaalka ayaa horey u diidey iney aqoonsato nidaamka waxbarsho ee maamulka Puntland taasoo sababtey inuu xumaado xiriirka u dhexeeya labada dhinac.
GAROWEONLINE
