Wafdi ka socda Qadar oo maanta Garoowe soo gaarey
-
- Posted On 14-11-2014, 01:42PM
November 14, 2014 (GO)- Wafdi u horkacayey ku-simaha safiirka Dowladda Qadar ee Soomaaliya Xasan Xamsah ayaa maanta soo gaarey magaalada Garoowe ee xarunta maamulka Puntland.
Mas'uuliyiin ka tirsan dowladda oo wasiirro u badan, xildhibaano, isimo iyo dadweyne fara badan ayaa wafdigaas garoonka diyaaradaha ee Garowe kuso dhoweeyey.
Intaas kadib waxaa wafdiga loosoo gudbiyey xarunta madaxtooyada halkaasoo Madaxweyne Cabdiweli Cali Gaas iyo mas'uuliyiin kale oo dowladda ka tirsani si diirran ugu soo dhoweeyeen.
Gaas wuxuu uga mahadceliyey Mr. Xamsah iyo xubnaha la socda booqashada ay Puntland kusoo gaareen, dhanka kale ku-simaha safiirka Qadar ee Soomaaliya ayaa ka mahadceliyey soo dhoweynta dadka iyo Dowlada Puntland Garowe ugu sameeyeen.
GAROWE ONLINE
