Wariye Cabdirizaq Silver oo lagu aasey magaalada Galkacayo
-
- Posted On 19-11-2014, 12:46PM
Arbaco, Nov 19,2014 [GO]- Alaha u Naxariitee waxaa saaka lagu aasey magaalada Galkacayo Cabdirizaq Cali Cabdi 'Silver' kadib markii koox hubeysan habeenkii xaley ku dileen halka la yiraahdo Xero Daraawiish.
Aaska marxuumka ayaa waxaa kasoo qay galey mas'uuliyiin ka tirsan Mas'uuliyiinta gobolka Mudug, saxafiyiinta, culumaa'udiin iyo ehelada Alaha Naxariistee Cabdirizaq Silver.
Saxafiyiinta gobolka iyo Puntland ayaa ka codsadey dowlada Puntland iney gacanta ku soo dhigaan gacan ku dhiiglayaashii dilka u gaystey saxafigaan.
Idaacada Radio Garowe ayaa wax ka waydiisay arintaan Wasiirka Warfaafinta Puntland talaabada laga filayo dowlada iyo sababta loo beegsadey saxafiyiinta.
Wasiirka ayaa sidoo kale tacsi u direy dhamaan saxafiyiinta Puntland gaar ahaan ehelka wariye Cabdirizaq Silver.
Saddexdii sano ee ugu dambeeyey waxaa magaalada Gaalkacayo lagu diley shan weriye oo AHN Cabdirisaaq Cali Silver kamid yahay kuwaasoo saddex kamid ahina ka tirsanaayeen shaqaalaha Radio Daljir.
GAROWEONLINE
