Xildhibaan u sharaxan Gudoomiyaha Barlamanka Puntland [Dhagayso]
-
- Posted On 29-10-2015, 01:37PM
28 Octobar, 2015(GO)-Xildhibaan Maxamed Axmed Ibrahim oo ka mid ah mudanayaasha Barlamanka Puntland ayaa galabta ku dhawaaqay inuu yahay musharax u taagan jagada Gudoomiyaha Barlamanka Puntland, ka dib is-casilaadii Siciid Xasan Shire.
Waxaa uu sheegay Xildhibaanku inay arrintaasi ku kaliftay ka dib markii ay u muuqatay inuu ka soo bixi karo howlaha Barlamanka isagoo kaashanaya khibaradiisa aqooneed.
Maxamed Axmed oo tilmaamay inuu yahay musharaxii ugu horeeyay ee jagadan isu taaga, ayaa ugu baaqay Xildhibaanada Puntland, inay ku taageeraan codkooda.
Shacabka Puntland ayuu ku amaanay kalinta ka gaystaan nabadda iyo xasiloonida waddanka, isagoo ugu baaqay inay ilaashadaan.
Xildhibaanka Maxamed Axmed Ibrahim oo ku 1983-dii ku dhashay gobolka Nugal ayaa wax ku soo bartay dalka iyo dibadiisa sida uu ku sheegay.
Waxaa jira murashixiin gaaraya tobaneeye, kuwaasi oo la sheegay inay u taaganyihiin jagada Gudoomiyaha Barlamanka Puntland.
GAROWEONLINE
