Xoghayaha dowladda hoose degmada Garowe oo la magacaabay [Dhagayso]
-
- Posted On 24-10-2015, 10:12AM
24 Octobar, 2015(GO)-Xoghayaha dowladda hoose ee degmada Garowe ayaa loo magacaabay Axmed Yuusuf Axmed, ka dib digreeto ka soo baxday wasiirka wasaaradda arrimaha gudaha Puntland.
Axmed Yuusuf ayaa ka mid ah dhalinyarada dalka dibadiisa wax ku soo bartay, waxaana uu hadda ka mid yahay macalimiinta wax ka dhigta Jaamacadda Bariga Africa faraca Garowe, waana hormuudka qaybta culuumta bulshada.
Xoghayaha cusub oo la hadlay Radio Garowe ayaa soo dhaweyay xilka loo magacabay, wuxuuna tilmaamay inuu shaqadan u leeayahay aqoon iyo karti, maadaamada uu soo bartay arrimaha dowladaha hoose.
Axmed ayaa tilmaamay inuu wax ka qaban doono arrimo ay ka mid tahay hormarinta Caafimaadka, xoojinta xiriirka bulshada iyo dowladda hoose.
Waayadan dambe Garowe, waxaa laga dareemayay hadal haynta cidda loo magacaabayo xilka xoghayaha, ka dib markii xoghayihii hore Qaasim Maxamed Cabdi loo magacaabay Ku-xigeenka Gudoomiyaha gobolka Nugal.
GAROWEONLINE
