Xoghaye mar kale loo magacaabay degmada Garowe
-
- Posted On 02-11-2015, 07:36AM
02 November, 2015(GO)-Wasaaradda Arrimaha Gudaha Puntland ayaa maanta soo saartay waraaq lagu magacaabay Xoghayaha dowladda hoose degmada Garowe.
Waraaqdan oo uu ku saxiixanyahay wasiir ku-xigeenka wasaradda Arrimaha Gudaha Puntland Cabdullaahi Xaashi Qoob-deero ayaa lagu magacaabay Cabdiqafaar Cabdiraxmaan.
Oct 24, 2015 ayay ahayd markii Wasiirka wasaaraddaasi Axmed Karaash uu soo saaray waraaq uu ku magacaabay Xoghaye cusub oo lagu magacaabo Axmed Yuusuf Maxamed, balse, waxaa ka soo horjeestay Madaxweynaha Puntland Cabdiwali Maxamed Cali Gaas oo watay ninka maanta la soo magacaabay.
Wasiirka Karaash ayaa ka maqan dalka, waxaana dabada ka riixayay in laga laabto magacaabistii hore Madaxweynaha Puntland oo isna ku maqan dalka Isutagga Imaaraadka Carabta.
Lama caddayn sababta rasmiga ah ee looga laabtay magacaabistii hore, qoraalka wasiirka ku-xigeenkana kuma cadda.
Waa markii ugu horraysay taariikhda Degmada Garowe dhacdo in la soo magacaabo labo Xoghaye.
GAROWEONLINE
